Եթե Դուք ՀՀ քաղաքացու ամուսին/կին եք, ապա իրավունք ունեք դիմել և ստանալ ՀՀ քաղաքացիություն, որի համար պարտադիր է մինչև ՀՀ քաղաքացիություն ստանալու դիմումը ներկայացնելը վերջին 2 տարվա ընթացքում օրենքով սահմանված կարգով գրանցված ամուսնության մեջ գտնվել ՀՀ քաղաքացու հետ և Հայաստանում բնակվել վերջին 2 տարվա, առնվազն 365 օր, կամ ունենալ18 տարին չլրացած, ՀՀ քաղաքացի համատեղ երեխա։

Գործնականում 365-օրյա բնակության պահանջը համարվում է կատարված, եթե դիմողը պահպանել է ՀՀ-ում կացության կարգավիճակը (ժամանակավոր, մշտական կամ հատուկ), այդ ընթացքում՝ անկախ Հայաստանում փաստացի անցկացրած օրերի քանակից:

Նշված պահանջների կատարումը ինքնին չի ենթադրում, որ ՀՀ քաղաքացիություն ստանալու մասին Ձեր դիմումը պարտադիր կբավարարվի։ Դիմումը մերժվում է, եթե տվյալ անձն իր գործունեությամբ վնասում է պետական և հասարակական անվտանգությանը, հասարակական կարգին, հանրության առողջությանը և բարքերին, այլոց իրավունքներին և ազատություններին, պատվին և բարի համբավին։ ՀՀ քաղաքացիության ձեռք բերելը ոչ թե պարտադիր իրավունք է, այլ արտոնություն, որը կարող է շնորհվել կամ մերժվել՝ ՀՀ օրենքի 13-րդ հոդվածի 7-րդ մասով։ Մերժումից հետո դիմումատուն իրավունք ունի կրկին դիմել ՀՀ քաղաքացիության համար՝ ներկայացնելով փաստթղթերի նույն փաթեթը կամ լրացնելով փաստաթղթերի պակասը։