Փետրվարի 29-ին՝ ժամը 17։00-ին, Սփյուռքի գործերի հանձնակատարի գրասենյակի Հայրենադարձության և ինտեգրման կենտրոնը հրավիրում է մասնակցելու «Աշխատանքի հնարավորությունները ՀՀ-ում» տեղեկատվական հանդիպմանը։ 

Հանդիպում-հավաքը նպատակ ունի հայրենադարձներին ներկայացնելու պետական աջակցության ծրագրերն և մասնավոր ոլորտի կողմից առաջարկվող հնարավորությունները ՀՀ աշխատաշուկայում։ 

Ի՞նչ է սպասվում հանդիպման շրջանակում։

- ՀՀ Աշխատանքի և սոցիալական հարցերի, Էկոնոմիկայի նախարարությունների ներկայացուցիչները հայրենադարձներին կներկայացնեն պետական աջակցության ծրագրերն ու կխոսեն հայաստանյան աշխատաշուկայում առկա պահանջարկի ու հնարավորությունների մասին։ 

- Հայաստանի մարդկային ռեսուրսների (HR) ասոցիացիան, աշխատանքի որոնման staff.am և job.am առցանց հարթակների ներկայացուցիչները կներկայացնեն իրենց ծառայություններն ու կխոսեն գործատու-աշխատանք փնտրող կապի ստեղծման մասին։  

- Մասնավոր ոլորտում առկա պահանջարկի և հնարավորությունների մասին կպատմեն «Glovo», «Dream of Bjni», «Էկովիլ», «Հարավկովկասյան երկաթուղի» ընկերությունների ու «Fabula» քովորկինգի, «Ազատ միտք» կրթական հաստատության և այլ կառույցների ներկայացուցիչները։   

- Հանդիպման ավարտին մասնակիցները հնարավորություն կունենան նաև իրենց CV-ները ներկայացնել հնարավոր գործատուներին և անցնել նախնական հարցազրույց։ 

Հանդիպմանը մասնակցելու համար անհրաժեշտ է գրանցվել հետևյալ հղմամբ՝ https://shorturl.at/gzC57:

Շտապեք գրանցվել այսօր, քանի որ տեղերը խիստ սահմանափակ են։ Մասնակիցների թվաքանակի լրացման դեպքում գրանցումը կփակվի։

Հանդիպման աշխատանքային լեզուն հայերենն է։ Առանձին դեպքերում մասնակիցների համար կապահովվի թարգմանություն (ռուսերեն/ անգլերեն)։ 

Անցկացման վայրը՝ Հայրենադարձության և ինտեգրման կենտրոն

Հասցե՝ ք․ Երևան, Հանրապետության 37, Հ․Հովնանյան հիմնադրամի շենք, 1-ին հարկ