ՀՀ ՍՓՅՈՒՌՔԻ ԳՈՐԾԵՐԻ ԳԼԽԱՎՈՐ ՀԱՆՁՆԱԿԱՏԱՐԻ ԳՐԱՍԵՆՅԱԿ

ՀՀ ՍՓՅՈՒՌՔԻ ԳՈՐԾԵՐԻ ԳԼԽԱՎՈՐ ՀԱՆՁՆԱԿԱՏԱՐԻ ԳՐԱՍԵՆՅԱԿ

Logo

Շնորհակալությու՛ն, սփյուռք

Պատերազմի ողջ ընթացքում մենք ականատես եղանք համահայկական, համասփյուռ աննախադեպ համախմբման և մոբիլիզացիայի: Սփյուռքն իրապես դարձավ Հայաստանի և հայ ազգի միակ հենքն ու ապավենն աշխարհում: Ամենուր, որտեղ հայ է ապրում, պայքար գնաց հանուն հայրենիքի, հանուն Արցախի և հանուն հայ ժողովրդի: Դաժան է պարտությունը, և մեր բոլորիս վերքերը շատ խորն են: Բայց ձեր անուրանալի աջակցության, հայրենիքի կողքին ու թիկունքին լինելու անդրդվելիության, անմնացորդ պայքարի համար հայտնում ենք մեր անկեղծ երախտագիտությունը: Շնորհակալ ենք ձեր յուրաքանչյուր ջանքի համար, շնորհակալ ենք ձեր սիրո, հոգատարության, հայրենասիրության համար: Այս պատերազմում պարտվեցինք բոլորս, սակայն հաղթեցին հայ զինվորն ու հայկական սփյուռքը:

ՀԱՅԿԱԿԱՆ ՍՓՅՈՒՌՔԻ ՀԱՄԱՅՆՔՆԵՐ

ԻՄԱՆԱԼ ԱՎԵԼԻՆ

Հազարամյակներ շարունակ հայ ազգը յուրօրինակ կամուրջ է հանդիսացել Արևելքի և Արևմուտքի միջև: Պետականության կորստի և բազմաթիվ օտար արշավանքների հետևանքով՝ միջնադարից սկսած հարևան երկրներում և այլ տարածաշրջաններում ձևավորվել են հայկական գաղթօջախներ: Ցեղասպանության արդյունքում՝ հարյուր հազարավոր փրկված հայեր ապաստան են գտել աշխարհի տարբեր կողմերում՝ ձևավորելով, ինչպես ընդունված է այսօր ասել, «դասական սփյուռքը»: Վերջինս հետագայում ընդլայնվել է ԽՍՀՄ փլուզման և դրան հաջորդած տնտեսական և տարածաշրջանային ճգնաժամի հետևանքով:

Բոլորս Արցախի համար

ՆՎԻՐԱԲԵՐԵԼ

Արցախն ունի բոլորիս կարիքը: Անկախ մեր գտնվելու վայրից՝ յուրաքանչյուրս զինվոր ենք և պետք է մեր ներդրումն ունենանք այս պատերազմում: Սահմանն ամուր պահելու համար «Հայաստան» համահայկական հիմնադրամը մեկնարկել է համազգային դրամահավաք-արշավ:

Արցախին օգնելու համար խնդրում ենք նվիրատվություններ կատարել: 

Միասնաբար մոտեցնենք հաղթանակի բաղձալի պահը:

 

ՄԻԱՑԻ՛Ր ՄԵԶ

Եթե ցանկանում եք մեզ հետ մշտական կապի մեջ լինել, էլեկտրոնային տարբերակով ստանալ բոլոր նորությունները, ծրագրերն ու հայտարարությունները, տեղեկանալ Հայաստան-սփյուռք գործակցության մանրամասներին, ապա կարող եք լրացնել Ձեր տվյալները ստորև և միանալ մեզ:

ՀԵՏԵՎԵ՛Ք ՄԵԶ
ՍՈՑԻԱԼԱԿԱՆ ՑԱՆՑԵՐՈՒՄ

Սփյուռքի Գլխավոր Հանձնակատարի Գրասենյակ Diaspora High Commissioner's Office