Կենտրոնի մասին

Հայրենադարձների ինտեգրման գործընթացն արդյունավետ կազմակերպելու համար ՀՀ Սփյուռքի գործերի գլխավոր հանձնակատարի գրասենյակը Հայրենադարձության և ինտեգրման կենտրոնն իր տեսակով առաջինը կլինի Հայաստանի Հանրապետությունում և կգործի որպես միասնական ռեսուրս-կենտրոն հայրենադարձների համար:

Միջոցառման նպատակն է խթա­նել հայ­րե­նա­դար­ձութ­յունը, ա­ջակ­ցել հայ­րե­նա­դարձ­նե­րի արդյունավետ ին­տեգր­ման գոր­ծըն­թա­ցին և­ ակ­տիվ ներգ­րավ­մա­նը Հա­յաս­տա­նի Հանրապետութ­յան հասա­րա­կա­կան-քաղաքական, մշա­կու­թա­յին ու սո­ցիալ-տնտե­սա­կան կյանքին:

 

Անհատականացված ծառայություններ

Կենտրոնում ներգրավված կլինեն գործընթացին և հայրենադարձների խնդիրներին քաջածանոթ աշխատակիցներ, ովքեր կտրամադրեն անհատականացված ծառայություններ սփյուռքի հայության շրջանում տարածում ունեցող գերակա լեզուներով:

Կենտրոնը կապահովի հայրենադարձների կապը պետական և հասարակական տարբեր կառույցների հետ՝ հայրենադարձներին առնչվող բոլոր խնդիրներին պատշաճ լուծում գտնելու նպատակով:

Յուրաքանչյուր հայրենադարձ կամ հայրենադարձ ընտանիք կունենա ինտեգրման աջակցության  իր մասնագետը, ով կծառայի որպես հիմնական կոնտակտային անձ ողջ գործընթացի ընթացքում՝ վարելով նրանց գործը:

Կենտրոնի մասնագետները կիրականացնեն խորհրդատվություն և գործնական աջակցություն հետևյալ ուղղություններով.

• քա­ղա­քա­ցիութ­յան և կար­գա­վի­ճա­կի ձեռք­բեր­ման
• անձ­նա­կան գույքի և բիզ­նե­սի տե­ղա­փո­խութ­յան
• ա­ռո­ղ­ջա­պա­հական
• կրթամ­շակութային 
• սոցիալ-տնտեսական
• զբաղվածության և աշխատանքի թույլտվության
• զինվորական հաշվառման և ծառայության
• օրենսդրական
• հարկային
• բանկային գործարքների և ֆինանսների

Ինտեգրում

Հայրենադարձների լիարժեք ինտեգրումն ապահովելու համար Հայրենադարձության և ինտեգրման կենտրոնը սերտորեն կաշխատի Repat Armenia հիմնադրամի մեր գործընկերների հետ՝ օգնելու հայրենադարձներին աշխատանք գտնել Հայաստանում, ինչպես նաև պարբերաբար կազմակերպելու է առցանց և անցանց համաժողովներ, ցանցային միջոցառումներ, աշխատանքի տոնավաճառներ և մասնագիտական վերապատրաստման դասընթացներ։

Կենտրոնը կտրամադրի արևելահայերենի անվճար դասընթացեր, որոնք հայրենադարձներին կօգնեն հաղթահարել լեզվական խոչընդոտները և բարելավել արևելահայերենի իմացությունը: Դասընթացներն արդեն հասանելի են, առավել մանրամասն տեղեկանալու համար այցելեք հղմամբ՝ http://diaspora.gov.am/hy/pages/137/learn-Armenian 

Գտնվելու վայրը

Կենտրոնը տեղակայված է Երևանի կենտրոնում՝ Հանրապետության 37 հասցեում։ Դա պատմական նշանակության շինություն է, որտեղ գտնվում են մեր գործընկերները՝ Repat Armenia-ն և Birthright Armenia-ն: Ամբողջովին վերանորոգված տարածքը Հովնանյան ընտանիք հիմնադրամի կողմից տրամադրվում է Գլխավոր հանձնակատարի գրասենյակին անվճար հիմունքներով։

Մենք ուրախ ենք շուտով բացել մեր դռները հայրենադարձների համար: