Սեպտեմբերի 8-12-ը Սփյուռքի գործերի գլխավոր հանձնակատարի գրասենյակի Հայրենադարձության և ինտեգրման կենտրոնում կանցկացվի «Հայրենադարձության շաբաթ 2025»-ը՝ մեկշաբաթյա միջոցառումների շարք, որն ուղղված է հայրենադարձության խթանմանը, ինտեգրման գործընթացների աջակցմանը և Հայաստանի ու սփյուռքի միջև կապերի ամրապնդմանը։

Շաբաթվա ընթացքում նախատեսվում են՝

• կլոր սեղան-քննարկումներ,
• էքսկուրսիա-արշավներ և մշակութային միջոցառումներ,
• վարպետության դասեր և դասախոսություններ,
• օնլայն խորհրդատվություններ,
• մարզական, ճանաչողական և ժամանցային ծրագրեր։

Մասնակիցները հնարավորություն կունենան հանդիպելու պետական կառույցների, մասնավոր հատվածի և հասարակական կազմակերպությունների ներկայացուցիչների, ոլորտի փորձագետների, ինչպես նաև աշխարհի տարբեր անկյուններից Հայաստան տեղափոխված հայրենակիցների հետ։

Միջոցառումները կանցկացվեն հայերեն, ռուսերեն և անգլերեն լեզուներով։

Միացեք մեզ սեպտեմբերի 8-12-ը՝ «Հայրենադարձության շաբաթ 2025»-ի շրջանակում։