Գլխավոր հանձնակատար Զարեհ Սինանյանն ընդունել է Նիդերլանդներում սփյուռքի գործերի հանձնակատար,  «ԵՄ ներդրումային ծրագրեր Հայաստանում» կազմակերպության հիմնադիր և խորհրդի նախագահ Հայկ Ազիզբեկյանին: Սփյուռքի գործերի հանձնակատարների ինստիտուտի ներդրումից հետո նրա նշանակումը տեղի է ունեցել 2024 թվականի հունվարին՝ ՀՀ վարչապետի որոշմամբ:

Հանդիպման ընթացքում քննարկվել են վերջին երկու ամիսներին Նիդերլանդների հայ համայնքում Սփյուռքի գործերի հանձնակատարի գործունեության, համայնքային աշխատանքի կազմակերպման և հետագա անելիքների վերաբերյալ տարաբնույթ հարցեր:

Զրույցի ընթացքում անդրադարձ է կատարվել նաև սեպտեմբերին կայանալիք Համաշխարհային հայկական գագաթնաժողովին նիդերլանդահայության մասնակցության կարևորությանը։