ՀՀ սփյուռքի գործերի գլխավոր հանձնակատարի գրասենյակի Հայրենադարձության և ինտեգրման կենտրոնում տեղի է ունեցել խորհրդատվական հանդիպում Հայաստանում պարտադիր զինվորական ծառայության անցման ընթացակարգերին առնչվող հարցերի վերաբերյալ։   

Հանդիպմանը ներկա են գտնվել հայրենադարձներ ՌԴ-ից, Ղազախստանից, Գերմանիայից, Սիրիայից և Իրանից: 

ՀՀ ՊՆ հանրապետական զինկոմիսարիատի զորակոչային և զորահավաքային համալրման ծառայության գլխավոր իրավաբան Արա Կոդաբաշյանը հանդիպման մասնակիցներին ներկայացրել է 2024 թվականին «Զինվորական ծառայության և զինծառայողի կարգավիճակի մասին» օրենքում կատարված փոփոխություններն ու լրացումները և պատասխանել նրանց հարցերին։  

Հանդիպման շրջանակում անցկացվել են նաև անհատական խորհրդատվություններ: