ՀՀ սփյուռքի գործերի գլխավոր հանձնակատար Զարեհ Սինանյանը «Հուսո տուն» բարեգործական կենտրոնում մասնակցել է  «Գթության խոհանոց» ծրագրի 31-րդ տարեշրջանի բացման արարողությանը։

Միջոցառմանը ներկա են գտնվել ՀՀ Ազգային ժողովի, աշխատանքի և սոցիալական հարցերի նախարարության և ՀՀ-ում Գերմանիայի դեսպանության ներկայացուցիչները։

Զարեհ Սինանյանը ողջույնի խոսքով հանդես է եկել  միջոցառմանը՝ շնորհակալություն հայտնելով բարեգործական ծրագրի հայաստանցի և սփյուռքահայ աջակիցներին։  

Նախաձեռնության շրջանակում համերգային ելույթներով հանդես են եկել «Հույսով լի և առողջ մանկություն» ծրագրի շահառու մանուկները։

«Գթության խոհանոց» ծրագիրը գործում է 1994 թվականից։ Ծրագրի շրջանակում յուրաքանչյուր տարի՝ հոկտեմբերից մայիս ընկած ժամանակահատվածում, կարիքավոր անձանց օրական մեկ անգամ տրամադրվում է տաք սնունդ։ Այս տարի ծրագրի շահառուներն են 230 կարիքովոր անձինք Երևանի տարբեր վարչական շրջաններից։