Բրազիլիայում աշխատանքային այցով գտնվող Զարեհ Սինանյանն այցելել է Սան Պաուլոյի Հայ Ավետարանական կենտրոնական եկեղեցի և հանդիպում ունեցել եկեղեցու խորհրդի փոխատենապետ, Բրազիլիայի «Հայաստան» հիմնադրամի վարչության փոխնախագահ Վարդան Մոմջեանի և խորհրդի մյուս անդամների հետ։ 

Սան Պաուլոյում գլխավոր հանձնակատարն այցելել է Հայ Առաքելական Սուրբ Գևորգ եկեղեցի, ինչպես նաև շրջայց կատարել եկեղեցուն կից գործող  «Դուրյան» ազգային վարժարանում և «Մավեան» նախադպրոցարանում։ 

Նա այցելել է նաև Սան Պաուլոյի Գրիգոր Լուսավորիչ Հայ Կաթողիկե եկեղեցի և հանդիպում ունեցել Լատինական Ամերիկայի Հայ Կաթողիկե եկեղեցու վաստակավոր առաջնորդ Վարդան եպիսկոպոս Պողոսյանի հետ։ 

Զարեհ Սինայանը հյուրընկալվել է նաև Սան Պաուլոյի Հայ ավետարանական եղբայրության եկեղեցում և հանդիպում ունեցել եկեղեցու քահանա Գարո Ահարոնյանի հետ։