Հայրենադարձության և ինտեգրման կենտրոնում տեղի է ունեցել ՀՀ սփյուռքի գործերի գլխավոր հանձնակատար Զարեհ Սինանյանի հանդիպումն ԱՄՆ-ից, Ավստրալիայից, Ֆրանսիայից, Մեծ Բրիտանիայից, Ռուսաստանից, Սիրիայից, Բուլղարիայից, Ուկրաինայից և այլ երկրներից Հայաստան տեղափոխված հայրենադարձ ընտանիքների հետ։ 

Հանդիպումն անցկացվել է «Tea&Talk» ձևաչափով՝ հնարավորություն ընձեռելով հայրենադարձներին իրենց հուզող հարցերը հղել Գլխավոր հանձնակատարին և քննարկում ունենալ արդի թեմաների շուրջ։  

Զարեհ Սինանյանը հանդիպման ընթացքում անդրադարձել է հայրենադարձության գործընթացի կազմակերպմանն առնչվող հարցերին և կենտրոնի կողմից իրականացվող աջակցության ծրագրերին, ինչպես նաև խոսել հետագա գործունեության մասին։ 

Մասնակիցներն իրենց հերթին ներկայացրել են հայրենադարձության սեփական պատմություններն ու քննարկել հայրենիքում ինտեգրմանն առնչվող մի շարք հարցեր։