Շարունակվում են Ազգային երիտասարդական երկրորդ համաժողովի երրորդ օրվա՝ «Շարունակական ազդեցության պահպանում» խորագրի ներքո անցկացվող տարբեր ձևաչափերի քննարկումներն ու բանախոսությունները։

«Արդի հայկական նարատիվները» թեմայով բանախոսության շրջանակում համաժողովի մասնակիցները ծանոթացել են Հայաստանում և սփյուռքում նարատիվների ձևավորման հիմնական գաղափարներին և միտումներին։

Բանախոսությունը վարել է քաղաքագետ, «Անվտանգային քաղաքականության հետազոտական կենտրոն» ՀԿ-ի նախագահ Արեգ Քոչինյանը, որը ներկայացրել է այն հիմնարար գաղափարներն ու միտումները, որոնք ձևավորում են արդի հայկական նարատիվները՝ թե՛ Հայաստանի հանրային դիսկուրսում, թե՛ սփյուռքի համայնքային միջավայրում։

Բանախոսությանը հաջորդել է կլոր-սեղան ձևաչափով ինտերակտիվ քննարկում, որի նպատակն էր վերհանել, վերաիմաստավորել և համատեղ ձևակերպել այն նարատիվները, որոնք կարող են նպաստել համահայկական ինքնության համախմբմանը։

Ազգային երիտասարդական երկրորդ համաժողովի աշխատանքներին ուղիղ միացմամբ հետևելու համար այցելեք հղմամբ՝ https://www.youtube.com/live/rQ8qZjUndy4?si=PNVnQJGrmvYiljXG: