Ազգային երիտասարդական երկրորդ համաժողով - «Միջհամայնքային (C2C) համագործակցության նոր ձևաչափերը»
07 Օգոստոսի 2025
Օգոստոսի 7-ին, Ազգային երիտասարդական համաժողովի երրորդ օրվա շրջանակներում տեղի է ունեցել «Միջհամայնքային (C2C) համագործակցության նոր ձևաչափերը» թեմայով կլոր սեղան-քննարկում։
Քննարկման ընթացքում մասնակիցները վեր են հանել տարբեր համայնքների միջև արդյունավետ փոխգործակցության մեխանիզմները, փորձի փոխանակման հնարավորությունները, ինչպես նաև նորարարական ձևաչափերի կիրառման ուղիները՝ նպատակ ունենալով խթանել համայնքային զարգացումը և համախմբվածությունը։
Մասնակիցները համատեղ անդրադարձել են մի շարք արդիական և կարևոր հարցերի, այդ թվում՝
Ինչպե՞ս ճիշտ հաղորդակցվել համայնքի ավագ սերնդի ներկայացուցիչների հետ,
Ինչպե՞ս մոտիվացնել երիտասարդներին համայնքում ակտիվ գործունեություն իրականացնելու համար,
Համայնք–Համայնք՝ ինչպես կազմակերպել համագործակցությունը տարբեր երկրներում և տարածաշրջաններում գործող համայնքների միջև։
