Հայ արվեստի և մշակույթի համաժողովի հագեցած օրակարգը մեկնարկել է «Մշակութային կրթության հեռանկարները գլոբալ փոխանակումների միջավայրում» թեմայով պանելային քննարկմամբ։ Քննարկման ընթացքում բանախոսները անդրադարձել են մշակութային կրթության ոլորտում Հայաստան-սփյուռք համագործակցության նոր ձևաչափերին, փորձի փոխանակման արդյունավետ մեխանիզմներին, դասախոսների և ուսուցիչների վերապատրաստման հնարավորություններին, ինչպես նաև կրթական գործընթացում կիրառվող նորարարական մոդելներին։

Պանելային քննարկումը վարել է խմբավար, մանկավարժ, Երևանի Կոմիտասի անվան կոնսերվատորիայի պրոֆեսոր, «Հայաստանի փոքրիկ երգիչներ» երգչախմբի գեղարվեստական ղեկավար և գլխավոր դիրիժոր Տիգրան Հեքեքյանը:

Բանախոսներն էին`

• ՀՀ ԿԳՄՍ նախարարի տեղակալ Դանիել Դանիելյանը,
• կինոյի պատմաբան, Կալիֆոռնիայի համալսարանի պրոֆեսոր Զարեհ Արևշատյանը,
• Վիեննայի Բեթհովենի կոնսերվատորիայի և Galoyan Art GmbH-ի բաժնետեր և տնօրեն Սիրանուշ Գալոյան-Տկաչենկոն,
• «artup.am»-ի հիմնադիր և սեփականատեր, Հայաստանի գեղարվեստի պետական ակադեմիայի պրոֆեսոր, paraton.am-ի ղեկավար Սիևա Ադամյանը,
• դաշնակահար, երգահան, «Superspectives» ժամանակակից երաժշտության փառատոնի համահիմնադիր Ֆրանսուա Մարտիրոսեանը: