Հայ արվեստի և մշակույթի համաժողովի երկրորդ օրը՝ նոյեմբերի 21-ին, անցկացվել է «Մշակութային դիվանագիտությունը որպես «փափուկ ուժի» առանցքային գործիք» թեմայով պանելային քննարկում:

Պանելային քննարկման ընթացքում բանախոսները քննարկել են մշակութային դիվանագիտության գործիքների կիրառման հնարավորությունները, պետական և սփյուռքյան կառույցների համագործակցության նոր ձևաչափերը, ինչպես նաև հայկական մշակույթի պահպանման, տարածման և միջազգային ճանաչման ուղիները։

Ներկայացվել են արվեստի և մշակույթի դերը որպես արտաքին ազդեցության գործիքներ, հայ մշակույթի միջազգային ճանաչելիության բարձրացման համատեքստում հաջողված փորձերը, ինչպես նաև մշակույթի նշանակությունը հանրային դիվանագիտության և երկկողմ հարաբերությունների զարգացման համատեքստում։

Քննարկումը վարել է արվեստաբան, սոցիոլոգ, «Hyestart» հասարակական կազմակերպության նախագահ Ալեն Նավարրա-Նավասարդեանը:

Բանախոսներն էին`

• ֆրանսահայ դաշնակահարուհի, երգչուհի և կոմպոզիտոր Մաշա Ղարիբեանը,
• Ռումինիահայոց միության նախագահ, գրող, Ռումինիայի գրողների միության նախագահ Վարուժան Ոսկանյանը,
• ՀՀ պատվավոր հյուպատոս, Պոզնանի Ադամ Միցկևիչի անվան համալսարանի Մխիթար Գոշի անվան հայագիտական ​​կենտրոնի համահիմնադիր, Լեհաստանի կառավարության և ազգային փոքրամասնությունների հանձնաժողովի անդամ, «Մունետիկ» ամսագրի և «Munetik.pl» տեղեկատվական պորտալի խմբագրական խորհրդի նախագահ, հայ-լեհական համայնքային կոմիտեի նախագահ Հրաչյա Բոյաջյանը,
• «Կերոն» զարգացման հիմնադրամի գործադիր տնօրեն Վանանե Արարքցյանը
• քանդակագործ, արվեստագետ Միքայել Օհանջանյանը: