Զարեհ Սինանյանն ընդունել է «Վրաստան» թերթի խմբագիր, հասարակական-քաղաքական գործիչ, Վրաստանի նախագահի նախկին խորհրդական, Թբիլիսիի պատվավոր քաղաքացի Վան Բայբուրթին
08 Հունիսի 2026
Հունիսի 8-ին ՀՀ սփյուռքի գործերի գլխավոր հանձնակատար Զարեհ Սինանյանն ընդունել է «Վրաստան» թերթի խմբագիր, հասարակական-քաղաքական գործիչ, Վրաստանի նախագահի նախկին խորհրդական, Թբիլիսիի պատվավոր քաղաքացի Վան Բայբուրթին։
Հանդիպման ընթացքում քննարկվել են հայ-վրացական հարաբերություններին և տարածաշրջանային զարգացումներին վերաբերող մի շարք հարցեր։ Զրուցակիցները կարևորել են Հայաստանի և Վրաստանի միջև բազմոլորտ համագործակցության շարունակական զարգացումը։
Անդրադարձ է կատարվել նաև Վրաստանի հայ համայնքի դերակատարությանը երկկողմ հարաբերությունների խորացման գործում, համայնքային կյանքի ակտիվացմանն ու տարածաշրջանային գործընթացների համատեքստում առկա մարտահրավերներին։
Կողմերը վերահաստատել են հայ-վրացական համագործակցության զարգացման և երկխոսության շարունակականության կարևորությունը։
