«Քայլ դեպի տուն» ուսումնաճանաչողական ծրագրի երկրորդ շրջափուլ
09 Հուլիսի 2026
Ավարտվել է «Քայլ դեպի տուն» ուսումնաճանաչողական ծրագրի երկրորդ շրջափուլը։
Այս անգամ աշխարհի 7 երկրներից ժամանած 119 սփյուռքահայ պատանիներ 13 անմոռանալի օր անցկացրին հայրենիքում՝ խորացնելով իրենց կապը հայրենիքի հետ, բացահայտելով հայկական մշակույթն ու պատմությունը և ձեռք բերելով նոր ընկերներ աշխարհի տարբեր անկյուններից։
Հուլիսի 10-ից 22-ը կմեկնարկի ծրագրի երրորդ շրջափուլը, որի ընթացքում նոր մասնակիցները ևս հնարավորություն կունենան բացահայտելու Հայաստանը, ձեռք բերելու նոր գիտելիքներ և ստեղծելու հիշողություններ, որոնք երկար կմնան նրանց հետ։
