Ուկրաինա աշխատանքային այցի շրջանակներում Գլխավոր հանձնակատար Զարեհ Սինանյանը հանդիպեց Ուկրաինայի փոխարտգործնախարար Վասիլի Բոնդարի հետ։

Գլխավոր հանձնակատարը նախ ներկայացրեց հայկական սփյուռքի հետ աշխատանքի փորձը, մանրամասնեց որոշ ծրագրեր և ուղղություններ։ Վասիլի Բոնդարը կարևորեց այս շրջայնակներում փորձի փոխանակումը և անդրադարձ կատարեց ուկրաինական սփյուռքի հետ աշխատանքի իրենց քայլերին։ Այս համատեքստում կարևորվեց Հայաստանի փորձի ուսումնասիրումը։ Հանդիպման ավարտին կողմերը հետագա համագործակցության պատրաստակամություն հայտնեցին։