Ուկրաինա աշխատանքային այցի շրջանակներում Գլխավոր հանձնակատար Զարեհ Սինանյանը հանդիպեց Simul Fortes հայկական բիզնես ակումբի ներկայացուցիչների հետ: Տարբեր ոլորտներում հաջողած ուկրաինահայ գործարարները հանձնակատարին ուղղեցին իրենց հարցերը, հայտնեցին հայրենիքում ընթացիկ իրավիճակին առնչվող մտահոգություններ: Զարեհ Սինանյանը շուրջ երեք ժամ տևած հանդիպման ընթացքում պատասխանեց հնչած հարցերին և հետագա ավելի ամուր համագործակցության հույս հայտնեց: