Կրթական հնարավորություններ «Քայլ դեպի տուն» ծրագրի մասնակիցների համար
06 Օգոստոսի 2021
«Քայլ դեպի տուն» ուսումնաճանաչողական ծրագրի 4-րդ փուլի սփյուռքահայ պատանիներն այսօր այցելեցին Հայաստանի ամերիկյան համալսարան և շրջայց կատարեցին: Այնուհետ նրանց ներկայացվեցին Ամերիկյան համալսարանի, Հայաստանի ֆիզիկակական կուլտուրայի և սպորտի ինստիտուտի և «Եվրասիա» միջազգային համալսարանի կրթական ծրագրերն ու հնարավորությունները:
Այս անգամ ևս Հայաստանի ամերիկյան համալսարանը «Քայլ դեպի տուն»-ցիների համար կազմակերպել էր հյուրասիրություն:
Այս շաբաթ ծրագրի մասնակիցները հասցրեցին լինել Մատենադարանում, Օշականում, Հայոց ցեղասպանության հուշահամալիրում, ՀԲԸՄ վիրտուալ համալսարանում, Երևանի պետական համալսարանում, «Այբ» դպրոցում:
Այսօր նրանք կլինեն նաև Խոր Վիրապում, իսկ վաղը կայցելեն Գառնի և Գեղարդ:
Կիրակի օրը մասնակիցները կբաժանվեն խմբերի և կայցելեն Ճամբարակ, Վարդենիս, Գյումրի և Իջևան: