«Սփյուռքի երիտասարդ դեսպան» ծրագրի մասնակիցները հայաստանյան փուլից հետո ի մի են բերում իրենց մտքերն ու գաղափարները ծրագրի երկրորդ՝ «Աշխատանք համայնքներում» փուլն արդյունավետորեն իրականացնելու համար: Ծրագրի ղեկավար Գրետա Մնացականյանը մեր գրասենյակի հայրենադարձության և մեդիա պատասխանատուների մասնակցությամբ հեռավար հանդիպում ունեցավ 16 երկրներում սփյուռքի 20 երիտասարդ դեսպանների հետ:

Քննարկվեցին ծրագրի երկրորդ փուլի բովանդակային և կազմակերպչական աշխատանքները, մեդիա կոնտենտի առաջմղմանն առնչվող հարցեր: Ծրագրի մասնակիցներին տրվեցին ամբողջական պատասխաններ առաջիկա գործունեությունը սահուն սկսելու համար: