Սփյուռքի երիտասարդ դեսպաններն իրենց աշխատանքների կենտրոնում են պահում հայրենադարձության թեման։ Վերջին մի քանի շաբաթների ընթացքում նրանցից մի քանիսն առցանց հանդիպումներ են անցկացրել՝ իրենց համայնքներին տեղեկացնելով հայրենադարձության հնարավորությունների մասին: Մասնավորապես, սփյուռքի երիտասարդ դեսպաններ Ինեսա Ռուբինյանը (Շվեդիա), Սարգիս Հակոբյանը (Իսպանիա) և Սոնա Սուրեկեն Սունգուլյանը (Ֆրանսիա) միացումներ ունեցան մեր գրասենյակի հայրենադարձության պատասխանատու Հովհաննես Ալեքսանյանի հետ՝ ներկայացնելով հայրեենադարձության գործընթացն ու պատասխանելով մասնակիցների հարցերին։