Սփյուռքահայ պատանիները դարձյալ Հայաստանում են: «Քայլ դեպի տուն» ուսումնաճանաչողական ծրագրի առաջին փուլը մեկնարկեց: Ռուսաստանից, ԱՄՆ-ից, Նորվեգիայից, Վրաստանից այս փուլին մասնակցելու են եկել 13-18 տարեկան 120 սփյուռքահայեր:

Նրանք 13 օր կբացահայտեն Հայաստանը, կբարելավեն մայրենիի իմացությունը, կսովորեն հայկական երգ ու պար, մշակույթ ու պատմություն: Ծրագիրն այս տարի անցկացվում է Դիլիջանում՝ Մոնթե Մելքանյանի անվան ռազմական վարժարանում և չորս փուլով կընթանա մինչ օգոստոսի 20-ը: «Քայլ դեպի տան» կրթական ամբողջ բաղադրիչն իրականացնում է «Դասավանդի՛ր, Հայաստան» հիմնադրամը: