«Սփյուռքի երիտասարդ դեսպան» ծրագրի շրջանակներում մասնակիցների գործունեության հիմնական ուղղությունը համայնքային միջոցառումների կազմակերպումն է և փորձի փոխանակման աշխատանքների իրականացումը:

Ծրագրի ընթացքում երիտասարդ դեսպաններից յուրաքանչյուրը ներկայացրեց իր համայնքը, ուժեղ կողմերն ու մարտահրավերները, կիսվեց իր փորձառությամբ:

Համայնքներում միջոցառումների կազմակերպումն արհեստավարժ և ավելի արդյունավետ իրականացնելու համար աշխատաժողով անցկացվեց նախագծերի կառավարման մասնագետ Աստղիկ Սահակյանի կողմից: Մասնակիցները հնարավորություն ունեցան  ծանոթանալու միջոցառումների պլանավորման նոր  մոտեցումների և գործիքների, գործնականում կիրառեցին դրանք խմբային աշխատանքներում:

Ծրագրի շրջանակներում մասնակիցների համար կազմակերպվեց Գաստրո տուր: Նրանք լավաշ թխեցին և փորձեցին պատրաստել մի քանի ազգային կերակրատեսակներ, իսկ երեկոյան ներկա գտնվեցին «Ծննդյան վկայական» թատերական ներկայացմանը, որն ազգային ինքնության պահպանման, ազգային արժեքները գնահատելու և հայի տեսակին հավատարիմ մնալու պատգամներ փոխանցեց յուրաքանչյուրին: