Հոկտեմբերի 17-ին տեղի ունեցավ «Սփյուռքի երիտասարդ դեսպան» ծրագրի 2021 և 2022 թ. մասնակիցների առցանց հանդիպումը:

Հանդիպման նպատակը երիտասարդներին ծանոթացնելն էր, յուրաքանչյուրի մասնագիտական և համայնքային գործունեության մասին տեղեկացնելը՝ հետագա համագործակցության ուղիները ուրվագծելու և առաջ տանելու համար:

Ծրագրի ղեկավար Գրետա Մնացականյանը, ողջունելով ծրագրի մասնակիցներին, կարևորեց նրանց համատեղ աշխատանքը սփյուռքի երիտասարդ դեսպանների ցանցի շրջանակներում՝ փորձի փոխանակման, միմյանց օգտակար լինելու, Հայաստանի հետ և միջհամայնքային կապերն ամրապնդելու, համայնքային կյանքն ակտիվացնելու և այլ ուղղություններով:

Մասնակիցները ներկայացրին իրենց առաջարկները համագործակցելու ձևաչափերի և թեմատիկ ուղղությունների վերաբերյալ: