Այսօր առավոտյան «Հայաստանը որպես կենսակերպի ընտրություն. ինչու՞ ընտրել Հայաստանը որպես տուն» համաժամանակյա նիստը վարում էր «Դեպի Հայք» հիմնադրամի տնօրեն Սևան Կաբակյանը: Նիստի բանախոսներն էին ավստրալահայ հայրենադարձ Զեփյուռ Շահրոզյանը, «ChinAr Tech»-ի գործադիր տնօրեն Միհրան Փափազյանը, «Lemonade Fashion»-ի տնօրեն Արևիկ Վարդանյանը և «Mtqaran Academy»-ի գործադիր տնօրեն Արամո Հունանյանը։ Նրանք խոսեցին Հայաստան գալու և հայրենադարձվելու իրենց դրդապատճառների, Հայաստանում ապրելու առավելությունների մասին։ Բանախոսները ներկայացրին նաև այն մարտահրավերները, որոնց բախվել են հայրենադարձման գործընթացում և հայրենիքում ապրելու կամքը, որը օգնեց վերջնականապես Հայաստանը դիտարկել որպես տուն։