Հանդիպում Թեքեյան հիմնադրամի տնօրենի հետ
17 Հունվարի 2023
Սփյուռքի գործերի գլխավոր հանձնակատար Զարեհ Սինանյանը ընդունել է «Թեքեյան կենտրոն» հիմնադրամի տնօրեն Արմեն Ծուլիկյանին:
Զարեհ Սինանյանը շնորհավորել է Թեքեյան մշակութային միությանը 75-ամյակի առթիվ, որի տոնակատարությանն անձամբ ներկա է գտնվել ԱՄՆ կատարած վերջին այցի ընթացքում: «Միությունը մշտապես աչքի է ընկել իր հայանպաստ գործունեությամբ Հայաստանում և սփյուռքում՝ պահպանելով մայրենի լեզուն, մշակույթը, գրականությունը և կրթությունը»,-նշել է Գլխավոր հանձնակատարը:
Արմեն Ծուլիկյանը Գլխավոր հանձնակատարին է ներկայացրել հիմնադրամի 2023 թվականի նախաձեռնությունները:
Քննարկվել են նաև պատերազմից հետո իրականացված՝ մարզերի համայնքներին հումանիտար օգնության տրամադրման, զինվոներին աշխատանքի տեղավորման և մի շարք այլ ծրագրեր:
Հանդիպման ընթացքում Գլխավոր հանձնակատար Զարեհ Սինանյանը հիմնադրամի տնօրենին է ներկայացրեկ գրասենյակի կողմից իրականացվող ծրագրերը, այս տարվա նոր նախաձեռնությունները և հավաքները:
Կողմերը հետագա սերտ համագործակցության պատրաստակամություն են հայտնել:
