Ռուսաստանի Դաշնություն այցի ընթացքում Գլխավոր հանձնակատար Զարեհ Սինանյանը Հայաստանի Հանրապետության դեսպանատանը հանդիպել է Ռուսաստանի հայ իրավաբանների ասոցիացիայի ներկայացուցիչների հետ` ի դեմս ասոցիացիայի նախագահ Շահեն Պետրոսյանի։

Գլխավոր հանձնակատարը շնորհակալություն է հայտնել իրավաբաններին գրասենյակի հետ ակտիվ համագործակցության և նախորդ տարի աշնանն անցկացված Համաշխարհային հայկական գագաթնաժողովում ունեցած ակտիվ ներգրավվածության համար:

Հանդիպման ընթացքում մասնավորապես քննարկվել է սփյուռքի մասնագետների ներգրավվածությամբ այս տարի անցկացվելիք միջոցառումները և դրանց օրակարգերի կազմման գործում ասոցիացիայի անդամների մասնակցությունը:

Զարեհ Սինանյանը պատասխանել է իրավաբանների հարցերին, որոնք վերաբերում էին գրասենյակի կողմից իրականացվող ինտեգրման ծրագրերին, գրասենյակի հավաքների օրակարգերի վերաբերյալ նախնական պատկերացումներին, ՀՀ օրենսդրության բարեփոխումներին և այլն: