ԾՐԱԳՐԻ ՄԱՍԻՆ

Հայաստանի Հանրապետության սփյուռքի գործերի գլխավոր հանձնակատարի գրասենյակի Հայրենադարձության և ինտեգրման կենտրոնը հայրենադարձների համար անցկացնում է իրազեկման և ինտեգրման անվճար սեմինար-դասընթացներ՝ 10 փուլով: 

Մասնակիցների ընտրության առաջնահերթությունը տրվում է այն հայրենադարձներին, ովքեր Հայաստանի Հանրապետություն մշտական բնակության են տեղափոխվել վերջին մեկ տարվա ընթացքում, գտնվում են աշխատանքի որոնման ակտիվ փուլում և ունեն մասնագիտական կարողությունների, գիտելիքների բարելավման ու ադապտացիայի կարիք հայրենիքում ավելի արդյունավետ ինտեգրվելու համար:

Անվճար սեմինար-դասընթացների տևողությունը 4 շաբաթ է (1 ամիս): Դասերը անցկացվում են շաբաթական 1 անգամ՝ մեկ ու կես ժամ տևողությամբ: Մասնակցության տեղերը սահմանափակ են, խմբում կարող են ներառվել ոչ ավել, քան 15 մասնակից:

Դասընթացները անցկացվում են հետևյալ թեմաներով.

• Բիզնեսի վարման առանձնահատկություններ
• Օրենսդրական դաշտ
• Հարկային և մաքսային համակարգեր
• Հաշվապահական հաշվառման վարման ընթացակարգ
• Մշակութային ադապտացիա

ԴԻՄՈՒՄԻ ԿԱՐԳԸ

2024 թվականին իրազեկման և ինտեգրման անվճար սեմինար-դասընթացին հայտագրվելու համար անհրաժեշտ է հայտերը ներկայացնել յուրաքանչյուր փուլի մեկնարկի հայտարարությունից հետո՝ գրանցվելով հետևյալ հղմամբ՝ այստեղ:

ԿՈՆՏԱԿՏԱՅԻՆ ՏՎՅԱԼՆԵՐ

Լրացուցիչ տեղեկատվության համար կարող եք դիմել՝ 

Հայրենադարձության և ինտեգրման կենտրոն

Հասցե՝ ՀՀ, Երևան 0010, Հանրապետության 37

Էլ. հասցե՝ repatriation@gov.am

Հեռ.՝ 010-51-56-39