Ես՝ Վահե Ավագյանս, ծնվել և մեծացել եմ Ամերիկայի Միացյալ Նահանգների Լոս Անջելես քաղաքում։ Ներկայումս բնակվում եմ Դիլիջան քաղաքում և աշխատում Հայաստանի Հանրապետության կենտրոնական բանկի մակրոտնտեսական դեպարտամենտում` որպես «իԳործ» ծրագրի մասնակից։

Մինչև ծրագրին միանալը՝ աշխատել եմ Ամերիկայի Միացյալ Նահանգներում, անշարժ գույքի շուկայի ոլորտում առաջատար խորհրդատվական ընկերություններից մեկում որպես փոխնախագահ։ Ունեմ երկարամյա աշխատանքային փորձ տնտեսական վերլուծությունների և ռազմավարական պլանավորման ուղղություններում։ Աշխատանքային գործունեության ընթացքում համագործակցել եմ անշարժ գույքի շուկայում համաշխարհային ճանաչում ունեցող կազմակերպությունների հետ, հիմնականում անշարժ գույքի շուկայի զարգացման, ներդրումների իրականացման և ռազմավարական պլանավորման խնդիրների լուծման բնագավառում։

2016 թվականին ավարտել եմ Կոլումբիայի համալսարանը՝ ստանալով բակալավրի աստիճան պատմության և հոգեբանության ոլորտում։