Բարև ձեզ, ես Անին եմ և Հայաստան եմ տեղափոխվել Կիպրոսից։

Իմ բակալավրի աստիճանը ստացել եմ  Կիպրոսի համալսարանում, իսկ մագիստրոսի կոչումը՝ Գրենոբլի «Ecole de Management» բիզնես դպրոցում, երկուսն էլ՝ ֆինանսների մասնագիտությամբ: Միջազգային փորձիս շնորհիվ ապրել և աշխատել եմ Եվրոպայի տարբեր երկրներում և տիրապետում եմ չորս լեզուների։

Նախքան «իԳործ» ծրագրին միանալը՝ աշխատել եմ որպես ռազմավարության ավագ խորհրդատու Կիպրոսի չորս ամենախոշոր խորհրդատվական ընկերություններից մեկում և որպես ներդրումային հիմնադրամների պատասխանատու՝ Լյուքսեմբուրգի դեպոզիտային բանկում:

Որպես «իԳործ»-ական՝ աշխատում եմ Բարձր տեխնոլոգիական արդյունաբերության նախարարությունում՝ նպատակ ունենալով աջակցել Հայաստանը տեղեկատվական և հաղորդակցության տեխնոլոգիաների հանգույց դարձնելու ռազմավարության մշակմանը: