Ես Հայկ Գնդլյանն եմ 29 տարեկան։ Հանդիսանում եմ Իրկուտսկի հայ համայնքի ղեկավարը:

Ծնվել եմ Հայաստանում՝ Էջմիածնում։ 1999 թվականից բնակվում եմ ՌԴ-ում: 

2015 թվականին ավարտել եմ Իրկուտսկի պետական համալսարանի Սիբիր-ամերիկյան ֆակուլտետը՝ թոփ մենեջեր մասնագիտացմամբ: Նույն տարում ավարտել եմ նաև ԱՄՆ Մարիլենդի համալսարանի քոլեջը՝ ստանալով կառավարման գիտությունների բակալավրի աստիճան:

21 տարեկանից զբաղվում եմ  սեփական բիզնեսով: «GM Group» ընկերությունների խումբն իր մեջ ներառում է նախագծման, շինարարական, արտադրական և տեղեկատվական տեխնելեգիաների ոլորտներից 7 կազմակերպություն, հաստիքների քանակը՝ շուրջ 500: 2021 թ. արժանացել եմ «Շինարարական փառք» պետական պատվավոր նշանի:

2017 թ. ընտրվեցի Իրկուտսկի հայկական մշակութային միության խորհրդի անդամ:

2022 թ. պաշտոնական ընտրությունների արդյունքում միաձայն ընտրվեցի Իրկուտսկի հայկական մշակութային համայնքի նախագահ: Նախաձեռնեցի բոլորովին նոր շրջան համայնքային կյանքում՝ անցնելով գործունեության համակարգային ձևաչափի բոլորովին նոր հնարավորություններով և ընդարձակ գործառույթներով: Պատվով ներկայացնում եմ հայ ժողովուրդին:

Որպես «Սփյուռքի երիտասարդ դեսպան» ծրագրի մասնակից՝ պլանավորում եմ  նպաստել Սփյուռքի գործերի գլխավոր հանձնակատարի գրասենյակի ծրագրերի իրականացմանը, ինչպես նաև կյանքի կոչել սեփական նախաձեռնությունները: