Ողջույն, ես Մհեր Քէլեանն եմ Լիբանանի Ղազիր քաղաքից:

Ստացել եմ իմ բակալավրի կոչումը մեխանիկական ճարտարագիտության ոլորտում Նոտր Դամի համալսարանում:

Մինչ Հայաստան տեղափոխվելը՝ 9 տարի աշխատել եմ որպես ինժեներ-մեխանիկ ջրակայաններում, լողավազաններում և պոմպակայաններում, ինչպես նաև կատարել եմ նախագծում, տեղադրում և սպասարկում:

Իմ կարիերային զուգահեռ՝ բազմաթիվ ծրագրեր եմ իրականացրել աֆրիկյան երկրներում, այդ թվում՝ Նիգերիայում, Անգոլայում, Զամբիայում, Կոնգոյի Դեմոկրատական ​​Հանրապետությունում և Հասարակածային Գվինեայում:

Ջրի գլոբալ սղության հետ մեկտեղ՝  աշխարհի բնապահպանական շատ խնդիրներ, կապված ջրի մաքրման, վերաօգտագործման և կեղտաջրերի տեխնոլոգիայի հետ, որակի միջազգային չափանիշներին համապատասխանող մեխանիզմներով կարող են հանգուցալուծվել:

Որպես «իԳործ»-ական՝ աշխատում եմ Հայաստանի Հանրապետության ջրային կոմիտեում: