Սիդնեյում Գլխավոր հանձնակատար Զարեհ Սինանյանը հանդիպել է համայնքի հայ երիտասարդների հետ և պատասխանել նրանց հուզող հարցերին: Հանդիպմանը մասնակցել են մի շարք երիտասարդական կազմակերպությունների ներկայացուցիչներ, այդ թվում՝ Հայ եկեղեցու երիտասարդական միությունից, Հայ ուսանողների ասոցիացիայից և ՀՅԴ երիտասարդական միությունից:

Զարեհ Սինանյանը ներկայացրել է գրասենյակի ծրագրերը և երիտասարդների համար առկա հնարավորությունները՝ զրույց ծավալելով Հայաստանի, հայրենադարձության, սփյուռքի ներգրավվածության ուղիների և երիտասարդության դերի մասին:

Սիդնեյի հայ երիտասարդներն իրենց պատրաստակամությունն են հայտնել ընդլայնել համագործակցությունն ինչպես գրասենյակի ծրագրերի, այնպես էլ գործընկերի աշխատանքների շրջանակներում:

Հանդիպումն ավարտվել է Գերաշնորհ Տ․ Հայկազուն արքեպիսկոպոս Նաջարյանի ուղերձով, որում նա քաջալերել է երիտասարդներին ակտիվ մասնակցություն ունենալ հայրենիքի կյանքում։