Գլխավոր հանձնակատար Զարեհ Սինանյանն այցելել է Նոր Զելանդիայի Օքլենդ քաղաքի հայ համայնքային կենտրոն, որտեղ հանդիպում է ունեցել տեղի հայ համայնքի ներկայացուցիչների հետ: Հանդիպման ընթացքում կարևորվել է Հայաստանի հետ կապերի ամրապնդումն ու համայնքի հետ հետագա համագործակցության զարգացումը՝ չնայած աշխարհագրական հեռավորությանը։

Օքլենդի հայ համայնքը բաղկացած է մոտ 120 անձից, ովքեր Նոր Զելանդիա են տեղափոխվել Մերձավոր Արևելքի երկրներից։

Նոր Զելանդիայի հայկական ընկերակցությունը ստեղծվել է 1996 թվականին՝ նպատակ ունենալով նպաստել  հայապահպանությանն ու  ծառայել որպես հաղորդակցության և շփման հարթակ տեղի հայերի համար: