«Հայրենադարձության շաբաթ» միջոցառումների շարքը շարունակվել է  հայրենադարձ ընտանիքների երեխաների համար կազմակերպված շախմատի սիրողական մրցաշարով: Մրցաշարին մասնակցել է 18 պատանի Սիրիայից, Իրաքից, Ուկրաինայից, ՌԴ-ից և Մեծ Բրիտանիայից:

Անցկացված 5 շրջափուլի արդյունքում սիրողական մրցաշարի հաղթող է ճանաչվել Արարատի մարզի Դարբնիկ գյուղի 6-րդ դասարանցի, իրաքահայ Իսա Խոկասեանը:

Մրցաշարի ավարտին դպրոցականները պարգևատրվել են վկայականներով և հուշանվերներով:

Կազմակերպական աշխատանքներին աջակցել է Երևանի շախմատի ֆեդերացիան:

«Հայրենադարձության շաբաթը» անցկացվում է մայիսի 27-ից 31-ը՝ ՀՀ սփյուռքի գործերի գլխավոր հանձնակատարի գրասենյակի Հայրենադարձության և ինտեգրման կենտրոնի նախաձեռնությամբ։