«Մշակութային երկխոսության հարթակ» խորագրի ներքո անցկացվող համաժամանակյա քննարկումներն ամփոփվել են երաժշտական արվեստի վարպետության դասով։

Դասընթացն անցկացվել է երկու փուլով։ Առաջին փուլի ընթացքում մասնակիցները հնարավորություն են ունեցել ծանոթանալու երաժշտության ստեղծման պատմությանը, ոլորտի արդի միտումներին և առկա մարտահրավերներին։

Բանախոսությունը վարել են Հայաստանի ժողովրդական երաժշտության և պարի ազգային կենտրոնի ստեղծագործական խմբի ղեկավար, «Ակունք» ազգագրական համույթի գեղարվեստական ղեկավար, Հայաստանի կոմպոզիտորների միության վարչության անդամ, կոմպոզիտոր, կոմիտասագետ, խազագետ Արթուր Շահնազարյանը և Ռոման քաղաքի Դուդուկի և կովկասյան երաժշտությունների ամբիոնի վարիչ, պրոֆեսոր, դուդուկահար Լևոն Չատիկյանը։

Բանախոսներն էին՝

• օպերային երգիչ Բարսեղ Թումանյանը,
• Մարսելի «Սահակ Մեսրոպ» երգչախմբի գեղարվեստական ղեկավար, մշակույթի կենտրոնի ղեկավար Գարիկ Քյուրքչյանը,
• ձայնային պրոդյուսեր, ձայնագրությունների արխիվագետ, «Analog Armenia» նախագծի հիմնադիր Օլիվիա Մելքոնյանը,
• «իԳործ» ծրագրի մասնակից, «Կերոն» զարգացման հիմնադրամի «Տաղանդների ֆոնդ» ծրագրի մասնակից, Հայաստանի պետական ​​սիմֆոնիկ նվագախմբի գեղարվեստական ​​բաժնի ղեկավար, գեղարվեստական ​​ծրագրերի համակարգող Տաթև Եղիազարյանը ,
• Վիեննայի Երաժշտական ակադեմիայի և Վիեննայի Բեթհովենի անվան կոնսերվատորիայի դաշնամուրային ամբիոնի վարիչ Նարե Արղամանյանը։

Վարպետության դասի երկրորդ մասը անցկացվել է «Կոմիտաս. աղմուկ և ձայներ» խորագրի ներքո։ Հայկ Պետրոսյանը ներկայացրել է Կոմիտասի երաժշտական ժառանգությունը ժամանակակից մեկնաբանությամբ։