Ադրբեջանը շարունակում է պատերազմական հանցագործությունները
30 Հոկրեմբերի 2020
Վերջին երկու օրերին արցախա-ադրբեջանական հակամարտության գոտում պահպանվել է հարաբերական կայուն-լարված իրադրություն:
Հակառակորդը շարունակել է հրետակոծել խաղաղ բնակավայրերը, մասնավորապես թիրախում են հայտնվել Մարտունին, Ասկերանի շրջանի վերին ենթաշրջանի գյուղերը:
«Սմերչ» համազարկային կրակի ռեակտիվ համակարգով հրետակոծվել է Շուշին։
Խաղաղ բնակչության շրջանում կա մեկ զոհ և երկու վիրավոր։ Հրթիռակոծությունից հետո մարդասիրական առաքելություն իրականացնելու ժամանակ վիրավորում են ստացել 3 փրկարարներ։
«Սմերչ» կայանքից հարվածներ են հասցվել մայրաքաղաք Ստեփանակերտին, թիրախավորվել է ծննդատունը:
ՊԲ-ի համարժեք գործողությունների արդյունքում՝ հակառակորդի խորքում տեղակայված կրակակետերը լռեցվել են:
ՊԲ-ի հակաօդային պաշտպանության ուժերի կողմից ոչնչացվել է թշնամական հերթական «Բայրաքթար» տիպի հարվածային անօդաչուն: ՊԲ ստորաբաժանումները շարունակում են վստահորեն իրականացնել առաջադրված մարտական խնդիրները՝ օպերատիվ-մարտավարական իրադրությունը պահելով վերահսկողության տակ:
Հարավային հատվածում՝ Բերձորից մինչև Արաքսի ափն ընկած ռազմաճակատային բնագծի ուղղությամբ, եղել են որոշակի մարտական գործողություններ, մեր ԶՈՒ-ին հաջողվել է որոշակի դիրքերի բարելավում իրականացնել:
Ադրբեջանը շարունակում է ակտիվ դիվերսիոն ներթափանցումները, նաև խաղաղ բնակավայրերի թիրախավորումը:
Ներկա դրությամբ թշնամական խմբավորումների հայտնաբերման ու ոչնչացման գործողությունները շարունակվում են: