Ամերիկայի Միացյալ Նահանգներ աշխատանքային այցի շրջանակներում Վաշինգտոնում Գլխավոր հանձնակատար Զարեհ Սինանյանն այցելեց Սուրբ Աստվածածին հայաստանյան առաքելական եկեղեցի, հանդիպեց Հայ առաքելական եկեղեցու ԱՄՆ Արևելյան թեմի թեմական պատվիրակ Վիգեն արքեպիսկոպոս Հայկազյանի և եկեղեցու հոգևոր հովիվ Հովսեփ քահանա Կարապետյանի հետ։

Եկեղեցու հոգևոր հովիվը ներկայացրեց ընթացիկ աշխատանքները և ծրագրերը, համայնքի ակտիվության բարձրացմանն ուղղված միջոցառումները, նշեց, որ համավարակից առաջ կիրակնօրյա դպրոց էր հաճախում ավելի քան 90 աշակերտ։ Եկեղեցին նպատակ ունի ընդլայնել դպրոցը և ավելացնել աշակերտների թիվը։

Գլխավոր հանձնակատարը շրջայց ունեցավ եկեղեցու տարածքում, այնուհետ հոգևորականներին ներկայացրեց գրասենյակի ծրագրերը։