ԱՄՆ այցի շրջանակներում Գլխավոր հանձնակատար Զարեհ Սինանյանը Գլենդելում հանդիպեց Hye Hopes կրթական նախաձեռնության անդամների հետ` նախագահ Գրեգորի Կրիկորյանի գլխավորությամբ: Hye Hopes-ն այժմ կրթական տարբեր ուղղություններով ծրագրեր է իրականացնում Սյունիքի մարզի դպրոցների համար` տեխնիկայի տրամադրումից մինչև սոցիալ-հոգեբանական աջակցություն: Հանդիպման ընթացքում նախաձեռնության անդամները ներկայացրին իրենց գործունեության մանրամասները և հանդես եկան մի շարք առաջարկներով, որոնք մասնավորապես վերաբերում էին սփյուռքի կրթական հաստատությունների ներուժի համախմբմանն ու համատեղ աշխատանքին: Գլխավոր հանձնակատարը հնչած բոլոր առաջարկների շուրջ սերտ համագործակցության ցանկություն հայտնեց, ինչպես նաև պատրաստակամություն ցուցաբերեց աջակցել նախաձեռնությանը Հայաստանում ունեցած մաքսային խոչընդոտների հարթման գործում: