ՀՀ սփյուռքի գործերի գլխավոր հանձնակատար Զարեհ Սինանյանն ապրիլի 21-ին հանդիպեց Իռլանդիայի սփյուռքի ազգային կազմակերպության  նախագահ Մայք Ֆերիքին։ Հյուրը ներկայացրեց կազմակերպության գործունեությունը,  որի նպատակն է իռլանդական սփյուռքին ներգրավել հայրենիքի մշակութային, կրթական, գիտական կյանքում։

Գլխավոր հանձնակատարը կարևորեց կազմակերպության ծրագրերը և ներկայացրեց հայկական սփյուռքի հետ աշխատանքի ՀՀ պետական մոտեցումները: Զարեհ Սինանյանը խոսեց նաև գրասենյակի ծրագրերի մասին, մասնավորապես կարևորեց Հայաստանի պետական համակարգում սփյուռքահայ մասնագետների «իԳործ»  ծրագրի ներդրումը:

Մայք Ֆերիքը հավելեց, որ իռալանդացի և հայ ազգերն ունեն ընդհանուր շատ գծեր. պահպանում են ազգային մշակույթը, ավանդությունները և պատմությունը։ Նա նաև գրասենյակի ծրագրերի շրջանակներում համագործակցության պատրաստակամություն հայտնեց։