Օգստոսի 8-ին Գլխավոր հանձնակատարն ընդունեց  «Հայ դպրոց» հիմնադրամի անդամներ Արա Կարապետյանին և Մանե Տեր-Գրիգորյանին։

Գլխավոր հանձնակատարը շնորհակալություն հայտնեց հյուրերին Լոս Անջելոս կատարած այցի ժամանակ ջերմ ընդունելության համար:

«Ձեր գործունեությամբ դուք անուրանալի ներդրում ունեք հայրենիքում կրթության առաջընթացի գործում, որը պետության ռազմավարական ուղղություններից մեկն է»,- նշեց Զարեհ Սինանյանը:

Հանդիպման ընթացքում քննարկվեց Հայաստանում կրթության զարգացման, սփյուռքահայերի առջև կանգնած կրթական խնդիրների, ինչպես նաև հանրակրթական դպրոցներին համապատասխան գույքային աջակցություն ցուցաբերելուն առնչվող հարցեր:

Հյուրերը իրենց հերթին ողջունեցին գրասենյակի ծրագրերը և պատրաստակամություն հայտնեցին  աջակցելու դրանց:

Հավելենք, որ «Հայ դպրոց» հիմնադրամը (ASF) հիմնադրվել է 2003 թվականին Գլենդելում (Կալիֆորնիա): ASF-ը շահույթ չհետապնդող կազմակերպություն է, որի նպատակը Հայաստանի և Արցախի բոլոր երեխաների համար ապահով և աջակցող ուսումնական միջավայր ստեղծելն է: