Սփյուռքի գործերի գլխավոր հանձնակատար Զարեհ Սինանյանը օգոստոսի 24-ին ընդունեց ամերիկահայ արվեստագետներ Հասմիկ Զալյանին, Սոնա Վանին, Ռուզաննա Սիրունյանին և Սիրանույշ Դավթյանին: 

Ողջունելով հյուրերին՝ Գլխավոր հանձնակատարը ներկայացրեց գրասենյակի կողմից իրականացվող  հայրենադարձության, սփյուռքի քարտեզագրման, երիտասարդների ակտիվության խթանման, ինչպես նաև  ՀՀ կառավարությունում սփյուռքի մասնագետների ներգրավման ծրագրերը և շեշտեց դրանցում ամերիկահայերի ակտիվ մասնակցությունը:

Հյուրերը ներկայացրին Հայաստանին վերաբերող իրենց առաջիկա նախաձեռնությունները:

Հանդիպման ընթացքում Զարեհ Սինանյանը հետաքրքրվեց ԱՄՆ-ի հայ համայնքի կրթական, մշակութային խնդիրներով, հայերենի պահմանմանն  ու ամրապնդմանն  ուղղված քայլերով: 

Հյուրերը իրենց հերթին ողջունեցին գրասենյակի ծրագրերը և  պատրաստակամություն հայտենցին   աջակցելու սփյուռքում այդ ծրագրերի տարածման գործում: