Սիրիա այցելության ընթացքում Գլխավոր հանձնակատար Զարեհ Սինանյանն այցելել է Քեսաբ և հանդիպել քաղաքապետ Վազգեն Չափարյանի հետ։ Այնուհետև նա շրջայց է կատարվել Հայ Առաքելական, Հայ կաթոլիկ ու Հայ ավետարանական համայնքներում, քննարկել  երկրաշարժի հետևանքները։ Այս հատվածում զգալիորեն տուժել է Հայ առաքելական համայնքի Սբ. Աստվածածին եկեղեցին

Քեսաբից հետո Զարեհ Սինանյանն այցելել է Լաթաքիա, հանդիպել ավելի քան 500 հայ ընտանիք ունեցող Թաղական խորհրդի և տեղական կառույցների ներկայացուցիչների հետ։ Սբ. Աստվածածին եկեղեցում կայացած հանդիպմանը ներկա էր նաև Տարտուսի և Լաթաքիայի հոգևոր հովիվ Տեր Վազգէն քահանա Քեոշկերեանը։

Այնուհետև շրջայց է կատարվել 100-ամյա Ազգային Սրբոց Նահատակած վարժարանում, ուր ուսանում են 310 աշակերտներ։