Ծրագրի մասին

Հայաստանի Հանրապետության սփյուռքի գործերի գլխավոր հանձնակատարի գրասենյակը Հայրենադարձության և ինտեգրման կենտրոնի շրջանակներում ուրախ է մեկնարկել հայոց լեզվի անվճար դասընթացներ: 

Այս դասերը վերջին շրջանում հայրենադարձվածներին կօգնեն  հաղթահարել լեզվական խոչընդոտները և բարելավել արևելահայերենի իմացությունը:

Անվճար պարապմունքները կանցկացվեն շաբաթական 3 անգամ՝ 1 ու կես ժամ տևողությամբ: Դասընթացները կտևեն 2,5 ամիս: Տեղերը սահմանափակ են։ 

Դասընթացները կանցկացվեն հետևյալ խմբերով.

• Տարրական արևելահայերեն. նախատեսված է հայոց լեզվին չտիրապետողների կամ սկսնակների համար: Նրանք կսովորեն կարդալ, գրել և խոսել:
• Միջին/խորացված արևելահայերեն. նախատեսված է նրանց համար, որոնք ցանկանում են բարելավել արևելահայերենի կարդալու, գրելու և խոսելու առկա հմտությունները:
• Արևմտահայերենից արևելահայերեն ադապտացիա. նախատեսված է նրանց համար, որոնք ունեն արևմտահայերենի միջինից մինչև խորքային գիտելիքներ, սակայն ցանկանում են իրենց լեզվական գիտելիքները համապատասխանեցնել նաև արևելահայերենին:

Հասցե՝  ՀՀ սփյուռքի գործերի գլխավոր հանձնակատարի գրասենյակի Հայրենադարձության և ինտեգրման կենտրոն, Հանրապետության փողոց 37

Դիմում

2024 թվականին կենտրոնի կողմից կազմակերպված հայերեն լեզվի դասընթացներն ընթացել են չորս փուլով՝ ունենալով շուրջ 202 հայրենադարձ 30 երկրից։ 

2025 թվականի դասընթացներին կարող եք գրանցվել այստեղ։  

Կոնտակտային տվյալներ

Եթե ունեք հարցեր կամ անհրաժեշտ է լրացուցիչ տեղեկատվություն, դիմեք՝ 

Հայրենադարձության և ինտեգրման կենտրոն

Հասցե՝ ՀՀ, Երևան, Հանրապետության փողոց 37

Էլ. հասցե՝ repatriation@gov.am

Հեռ.՝ +374 10 515 516