Բարև: Ես Հակոբ Մակդիսն եմ Սիրիայի Հալեպ քաղաքից:

Իմ ակադեմիական ճանապարհորդությունը սկսվեց Սիրիայում: Ես ստացել եմ իմ բակալավրի աստիճանը կենսագիտության ոլորտում Հալեպի համալսարանի գիտության ֆակուլտետում: Այնուհետև նույն բաժնում ստացա մագիստրոսի կոչում: Երկրորդ մագիստրոսական աստիճանը ստացել եմ Երևանի պետական ​​համալսարանում՝ կենսագիտություն մասնագիտությամբ: Հաղորդակցության հավաստագրված մասնագետ եմ՝ ավելի քան ինը տարվա դասավանդման և վերապատրաստման փորձով, ինչպես նաև 2013 թվականից նեյրո-լեզվաբանական ծրագրավորման հավաստագրված դասընթացավար եմ:

Համագործակցել եմ «Սիրիա Թրաստ» զարգացման կազմակերպության, Կարմիր Խաչի միջազգային կոմիտեի, ՅՈՒՆԻՍԵՖ-ի, «World Vision» կազմակերպության, CPC կենտրոնի, Հայ օգնության հիմնադրամի, «Կոկա Կոլա», «Slice Academy», «IAB International Business Academy», «First Business School», «HBC Armenia»  և այլ հայտնի ընկերությունների հետ:

Որպես միջազգային սեմինարի դասընթացավար, հրավիրված բանախոս և փափուկ հմտությունների ուսուցման կարիքների բացահայտման փորձագետ՝ փափուկ հմտությունների և հաղորդակցության ոլորտում ես անցկացրել եմ ավելի քան 200 սեմինար 4000-ից ավելի վերապատրաստվողների համար:

Որպես «իԳործ»-ական՝ աշխատում եմ ՀՀ կրթության, գիտության, մշակույթի և սպորտի նախարարությունում՝ երիտասարդական քաղաքականության, լրացուցիչ և շարունակական կրթության վարչությունում, որտեղ աշխատանք եմ ծավալում ոչ ֆորմալ կրթության ոլորտներում երիտասարդական քաղաքականության ռազմավարության զարգացման ուղղությամբ: