Միքայել Խանբեկյան
![Միքայել Խանբեկյան Միքայել Խանբեկյան](http://diaspora.gov.am/api/v1/person/117/image/default.jpg)
Ես Միքայել Խանբեկյանն եմ՝ ֆիզիկոս Գերմանիայի Գրայֆսվալդ քաղաքից։
Ավարտել եմ Երևանի պետական համալսարանի ֆիզիկայի ֆակուլտետը, այնուհետև տեղափոխվել եմ արտերկիր՝ շարունակելու գիտնականի իմ կարիերան։ Մագիստրոսի կոչում եմ ստացել ԱՄՆ Բոստոնի համալսարանում և դոկտորի կոչում՝ Գերմանիայի Յենայի Ֆրիդրիխ Շիլլերի անվան համալսարանում:
Ֆիզիկական հետազոտություններ եմ կատարել Գերմանիայի առաջատար կենտրոններում, ինչպիսիք են՝ Մագդեբուրգի Օտտո-ֆոն-Գերիկե համալսարանը, Բեռլինի տեխնիկական համալսարանը և Ռոստոկի համալսարանը:
Այժմ «իԳործ» ծրագրի շրջանակներում աշխատում եմ ՀՀ գիտության կոմիտեում, որտեղ նախաձեռնում և իրականացնում եմ զանազան ծրագրեր՝ ուղղված Հայաստանում գիտության զարգացմանը:
Սիրում եմ ազատ ժամանակ արշավների գնալ, ռեգբի խաղալ և ջութակ նվագել: