Ողջույն, ես Զեփիուռ Շահրոզեանն եմ: Ծնվել եմ Իրանում, իմ դպրոցական վաղ տարիներն անցկացրել եմ Սիրիայում, այնուհետև Լիբանանում՝ նախքան Ավստրալիա տեղափոխվելը:

Ավարտել եմ The University of Sydney-ը սոցիալական աշխատողի մասնագիտացմամբ: Նույն բնագավառում իմ մագիստրատուրան շարունակում եմ Նոր Անգլիայի համալսարանում: 

Աշխատել եմ կանանց և երեխաների պաշտպանության, հոգեկան առողջության (ոչ կլինիկական) վերականգնման ուղղությամբ, նաև փախստականների և ներգաղթի ու երիտասարդության աշխատանքի ոլորտներում: 

Եղել եմ Ավստրալիայի հայ համայնքի ակտիվ անդամ Սիդնեյի հայ համայնքում, մասնավորապես՝ «Հայ Հոգի» երիտասարդական ցանցում, ինչպես նաև եղել եմ Ավստրալիայի Սիդնեյի հայկական մշակութային փառատոնի առաջին թիմի անդամներից մեկը: Մասնակցել եմ նաև հայկական համայնքի միջոցառումներին՝ հայկական պարի դասավանդումից մինչև լեզվի դասեր և այլն: 

Որպես «իԳործ»-ական՝ միացել եմ Աշխատանքի և սոցիալական հարցերի նախարարության աշխատանքներին: 

Հպարտ եմ, որ մասնակցում եմ «իԳործ»-ին և իմ սրտով և հոգով ցանկանում եմ նպաստել Հայաստանի զարգացմանը: