Կանադայից Բահրեյնի Թագավորություն տեղափոխվելուց հետո ես սկսել եմ իմ կարիերան որպես մենեջմենթի ոլորտի խորհրդական:

Կոնկորդիա համալսարանում ստացել եմ մենեջմենթի մագիստրոսի կոչում, մինչ այդ ՄաքԳիլի համալսարանում առողջապահական մենեջմենթի որակավորում էի ստացել։ Հնարավորություն ունեցա ղեկավարելու տարածաշրջանում բազմաթիվ լայնամասշտաբ նախագծեր և շուտով կառավարման խորհրդատվական ընկերությունում սկսեցի ղեկավարել բիզնեսի խորհրդատվական բաժինը:

Իմ պաշտոնավարման ընթացքում շատ հետաքրքիր նախագծեր հաջողվեց իրականացնել ինչպես պետական, այնպես էլ մասնավոր ոլորտներում․ խոշոր նավերի նորոգում, Ֆորմուլա մեկի ավտոճանապարհ, ազգային թվային փոխակերպման օրակարգ, պետական ծառայությունների ձևավորում և այլն։ Ես հիմնականում ռազմավարության, բիզնես գործընթացների և թվային վերափոխման ոլորտներում եմ աշխատել։ 

Այս պահին ծառայում եմ ՀՀ վարչապետի աշխատակազմում, որտեղ մեր թիմով աշխատում ենք Հայաստանի համար մշակել երկարաժամկետ ռազմավարություն։ Մենք ուզում ենք, որ այս ռազմավարությունը ներգրավի ամբողջ աշխարհի հայությանը, ինչը թույլ կտա գրանցել լայնածավալ և բազմաբնույթ աճ` իրականացնելով մեր արմատական արժեքների վրա հիմնված տեսլականը։