Ծնվել և մեծացել եմ Գերմանիայում՝ իրանահայ արմատներով ընտանիքում։ Ավագ դպրոցն ավարտելուց հետո սովորել եմ բիզնեսի կառավարում` կենտրոնանալով կորպորատիվ իրավունքի վրա և Քյոլնում աշխատելով հայրիկիս լոգիստիկ ընկերությունում որպես համակառավարիչ: Միևնույն ժամանակ միացա նաև Քյոլնում գործող գերմանահայ կանանց միության խորհրդի աշխատանքներին սկզբում որպես հաշվապահ, իսկ 2017-2020 թվականներին որպես նախագահ:

Գերմանիայում սփյուռքահայ միությունում իմ երկարամյա աշխատանքը ինձ բազմաթիվ կապեր հաստատելու հնարավորություն է տվել Եվրոպայում և ամբողջ աշխարհում: Նախկինում բազմաթիվ անգամներ այցելել եմ Հայաստան: 2020 թվականի հոկտեմբերից սկսած ամեն ամիս գալիս էի աստեղ՝ աջակցելու և մեղմելու 2020 թվականի պատերազմի հանգամանքները: 

2021 թվականի փետրվարին վերջապես որոշեցի չորս երեխաներիս հետ տեղափոխվել Երևան, նրանց կրթությունը շարունակել Հայաստանում և առաջարկել իմ աշխատուժը որպես հպարտ, բայց հայրենիքի համար մտահոգ հայուհի:

Իմանալով սփյուռքի կյանքի առավելություններն ու թերությունները, օգտագործելով Գերմանիայի և Մեծ Բրիտանիայի բիզնես ոլորտներում իմ ավելի քան 20 տարվա աշխատանքային փորձը՝ ես ցանկացա իմ աշխատանքով և իմ հետարքրություններով  աջակցել հայ համայնքների և հայ  մասնագետների ամուր ցանցին:

Ներկայումս Հայաստանի Հանրապետության սփյուռքի գործերի գլխավոր հանձնակատարի գրասենյակի սփյուռքի բարեգործության համակարգողն եմ և շատ ուրախ եմ «իԳործ» ծրագրի մաս լինելու համար: