Ես Կամո Մամիկոնյանն եմ։ Ծնվել եմ Աբովյանում։ Աստրախան եմ տեղափոխվել 9 տարեկանում:

Ավարտել եմ Մոսկվայի պետական ​​տնտեսագիտական, վիճակագրության և ինֆորմատիկայի համալսարանը՝ կազմակերպչական կառավարում – հակաճգնաժամային կառավարում մասնագիտությամբ: Համալսարանում ուսումնառության ողջ ընթացքում արդեն ակտիվ ներգրավվածություն եմ ունեցել հայ համայնքի կյանքում՝ մասնակցել տարբեր միջոցառումների կազմակերպման աշխատանքներին:

Համալսարանն ավարտելուց հետո զինվորական ծառայության եմ անցել Ռուսաստանի Դաշնության զինված ուժերում։ Բանակում ծառայելու ընթացքում գործընկերներիս մեջ նաև հայեր գտա, և մենք ստեղծեցինք հայկական փոքր համայնք:

2017 թ. ընդունվել եմ Սարատովի պետական ​​ակադեմիայի իրավագիտության բաժինը։ Բակալավրի աստիճանով այն ավարտելուց հետո ընդունվել եմ Աստրախանի պետական ​​համալսարանի մագիստրատուրան:

2020 թվականին վերսկսեցի ակտիվ գործունեությունս հայ համայնքում, ընտրվեցի Հայ մշակույթի «Արև» ընկերության խորհրդի անդամ։

Ընկերներիս հետ ստեղծեցինք Աստրախանի շրջանի հայ երիտասարդների ասոցիացիան. իրականացնում ենք տարբեր միջոցառումներ ու ակցիաներ՝ ի պաշտպանություն Հայաստանի և մեր հասարակության, իսկ քաղաքի ոչ հայերի համար (187 ազգություն) պարբերաբար կազմակերպում ենք հայկական մշակույթի երեկոներ։

Մենք ակտիվ մասնակցում ենք քաղաքապետարանի և երիտասարդական գործակալության կողմից կազմակերպվող միջոցառումներին, համագործակցում ենք նրանց և այլ երիտասարդական, ազգային կազմակերպությունների հետ:

Բացի համայնքային աշխատանքից՝ ներկայում արտաքին տնտեսական գործունեության և միջազգային լոգիստիկայի ոլորտում կազմակերպությունների գործունեությանն աջակցող ընկերության ղեկավար եմ։

Ես մասնակցում եմ «Սփյուռքի երիտասարդ դեսպան» ծրագրին, որպեսզի ավելի լավը դարձնեմ իմ քաղաքի հայ համայնքը, որ այն դառնա ամուր օղակ հայ համայնքների համաշխարհային շղթայում՝ ի շահ Հայաստանի և հայ ժողովրդի։